काठमाडौं । विश्वभरका लाखौँ वेबसाइट मालिकहरूले प्रयोग गर्ने वेब सर्भर व्यवस्थापन सफ्टवेयर ‘सी-प्यानल’ र ‘वेबहोस्ट म्यानेजर’ मा एउटा गम्भीर सुरक्षा कमजोरी फेला परेको छ। सिभिइ -२०२६-४१९४० (CVE-2026-41940) नाम दिइएको यो प्राविधिक त्रुटिका कारण ह्याकरहरूले लग-इन प्रक्रियालाई सहजै छलेर सर्भरमा पूर्ण नियन्त्रण जमाउन सक्ने सुरक्षा अनुसन्धानकर्ताहरूले चेतावनी दिएका छन्। सी-प्यानल र डब्लुएचएम सफ्टवेयरले वेबसाइटका डाटा, इमेल र महत्त्वपूर्ण कन्फिगरेसनहरूमा गहिरो पहुँच राख्ने हुनाले यो कमजोरीको फाइदा उठाएर ह्याकरहरूले संवेदनशील सूचनाहरू चोरी गर्न सक्ने उच्च जोखिम बढेको छ। क्यानडाको राष्ट्रिय साइबर सुरक्षा एजेन्सीले यस कमजोरीको दुरुपयोग हुने सम्भावना निकै उच्च रहेको बताएको छ, विशेष गरी ठूला वेब होस्टिङ कम्पनीहरूको ‘सेयर्ड होस्टिङ’ सर्भरमा रहेका…
