असार १९, काठमाडौं । प्रमुख दुई राजनीतिक दल एमाले र कांग्रेसले नयाँ सत्तासमीकरण बनाउने सहमति गरेसँगै प्रधानमन्त्री पुष्पकमल दाहाल ‘प्रचण्ड’ को सरकार राजनीतिक रूपमा अल्पमतमा परेको छ। सरकार राजनीतिक रूपमा अल्पमतमा परे पनि समर्थन गरेको दलले औपचारिक रूपमा समर्थन फिर्ता लिएको घोषणा नगर्दासम्म सरकार अल्पमतमा परेको मानिँदैन । कांग्रेससँग नयाँ गठबन्धन गरेको दल एमालेले भने प्रधानमन्त्री राजनीतिक रूपमा नै अल्पमतमा परेकाले राजीनामा गर्ने विश्वास गर्दै आफ्ना मन्त्रीहरूलाई सरकारबाट फिर्ता बोलाएको छैन। एमालेको मंगलबार बसेको सचिवालय बैठकले प्रधानमन्त्री प्रचण्डलाई बुधबारसम्म राजीनामा दिन आग्रह गर्ने निर्णय गरेको छ । प्रधानमन्त्रीले राजीनामा दिएपछि नयाँ सरकार गठनको प्रक्रिया सहज हुने एमालेको ठहर छ। यद्यपि,…
