काठमाडौं । फिलिपिन्समा शुक्रबार तालिमका क्रममा वायुसेनाका दुईवटा विमान एक-आपसमा ठोक्किएका छन्। यस दुर्घटनामा दुवै विमानमा सवार चारैजना पाइलटको मृत्यु भएको छ। दुर्घटना स्थानीय समयअनुसार, दिउँसो ३:५१ बजे मनिलाको दक्षिणमा पर्ने लिपा सहरस्थित फर्नान्डो एयर बेस नजिकै भएको हो। दुवै ‘एसएफ-२६०’ विमान कम उचाइमा उडिरहेका थिए। एउटा विमानको भग्नावशेष सैन्यकर्मीहरूको ब्यारेक नजिकै खसेको थियो। फिलिपिन्सको वायुसेनाले एसएफ-२६० विमानहरूको उडानमा रोक लगाएको छ। अनुसन्धान पूरा नभएसम्म यी विमानहरू उडाइने छैनन्। यस वर्ष हावामै विमानहरू ठोक्किएको यो विश्वकै पाँचौँ ठूलो दुर्घटना हो। फिलिपिन्सले किनेको थियो १८ वटा विमान एसएफ-२६० इटालीमा बनेका ट्रेनिङ विमान हुन्। फिलिपिन्सले सन् २०१०-११ को अवधिमा यस्ता १८ वटा…
