मेचीनगर । मेचीनगर नगरपालिकाकी उपप्रमुख मीना पोखरेल उप्रेतीले माइती नेपाल महिला तथा बालबालिकाको क्षेत्रमा काम गर्ने संस्थाका रूपमा ब्राण्ड बनिसकेको बताएकी छन् । बुधबार माइती नेपालले काँकरभिट्टा क्याम्पसको सभा हलमा आयोजना गरेको आर्थिक वर्ष २०८२/०८३ को वार्षिक प्रगति विवरणसम्बन्धी सामाजिक लेखा परीक्षण कार्यक्रममा बोल्दै उपप्रमुख उप्रेतीले महिला, बालबालिका तथा विकृति–विसंगतिविरुद्धको क्षेत्रमा माइती नेपालले उल्लेखनीय काम गर्दै आएको बताइन् । उनले माइती नेपाल ‘केल्मी’ कपडाजस्तै आफ्नो क्षेत्रमा स्थापित ब्राण्ड बनिसकेको उल्लेख गरिन् । “म उपप्रमुख नहुँदादेखि नै माइती नेपालले काँकरभिट्टा क्षेत्रमा महिला तथा बालबालिकाको हितमा राम्रो काम गर्दै आएको छ । हामी त्यही बेलादेखि सहयोग र साथ दिइरहेका छौँ,” उनले…
