– होमराज राई, ब्यस्त सहरका गल्ली–गल्ली र सडकहरूमा मौन पीडाहरू भौतारिरहेका हुन्छन्। कतै बिरक्तिएका मनहरू छन्, कतै रित्तिएका आशाहरू, त कतै पागलपनले भरिएका जीवनहरू। म कहिलेकाहीँ सडकको किनारमा उभिएर फर्केर हेर्छु,– खै, यी भीडहरू कहाँ पुग्न हतारिएका हुन्? कसैलाई एकक्षण पनि फुर्सद छैन, कसैले कसैको लागि सोच्ने समय छैन। तर यिनै भीडभित्रका मानिसहरू पनि त मानव कोखबाटै जन्मेका हुन्। अनि किन त्यही मानव कोखबाट जन्मिएका केही नाबालकहरू आज पशुजस्तै जीवन बिताउन बाध्य छन् ? यो त्यस्तै एउटा बालकको कथा हो—सहरले “खाते” भनेर चिन्ने एउटा जीवन। ऊ करिब दुई वर्षको हुँदादेखि नै सडक र फोहोरका थुप्राहरूबीच हुर्किएको थियो। न उसको…
