– होमराज राई, ३० पुष २०८२, बुधबार, माघे संक्रान्ति नेपालको एक महत्वपूर्ण चाड हो, जुन प्रत्येक वर्ष पौष महिनाको अन्तिम दिन पारेर माघ १ गते मनाइन्छ। नेवारी भाषामा घ्युँचाकु, तराईमा खिचरी पर्व, र पहाडी भेगमा सामान्यतः माघे संक्रान्ति भनेर चिनिने यो पर्व संस्कृतिमा जति प्राचीन छ, प्रकृतिसँगको सम्बन्ध पनि उति नै गहिरो छ। खगोल, मौसम र अर्थ माघे संक्रान्ति सूर्य दक्षिणायनबाट उत्तरायणतर्फ प्रवेश गर्ने दिन हो—अर्थात् सूर्य मकर राशिमा प्रवेश गर्छ। हिन्दु परम्परामा यो दिनबाट दिन बढ्ने र उज्यालो समय विस्तारिन थाल्ने विश्वास गरिन्छ।नेपाल कृषि प्रधान समाज भएकाले दिन लामो हुनु र तातो ताप बढ्नु जीवनयापन तथा खेतीपाती दुवैका लागि…
