झापा । नेपाल पत्रकार महासंघ झापा र नेपाल बार एसोसिएशन झापाको अगुवाइमा शुक्रबार झापाको मुक्तिचोकमा मौन शान्तिपूर्ण विरोध र्याली निकालिएको छ।
संविधानको रक्षा, लोकतन्त्रको संरक्षण र सुशासनको प्रत्याभूतिका लागि र्याली आयोजना गरिएको आयोजकहरूले बताएका छन्। सहभागीहरूले मौनधारण गर्दै प्लेकार्डसहित प्रदर्शन गरेका थिए।
आयोजक संस्थाहरूका पदाधिकारीहरूले हाल देखिएका राजनीतिक र प्रशासनिक चुनौतीका बीच लोकतान्त्रिक मूल्य–मान्यताको रक्षा सबैको जिम्मेवारी भएको भन्दै सचेतना जगाउने उद्देश्यले र्याली आयोजना गरिएको स्पष्ट पारेका छन्।
र्यालीमा पत्रकार, कानुन व्यवसायी, विभिन्न पेशागत सङ्गठनका प्रतिनिधि तथा सर्वसाधारणको सहभागिता रहेको थियो।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
