Day: २०८१ आश्विन २६, शनिबार

२६ आश्विन, काठमाडौं । राष्ट्रपति रामचन्द्र पौडेलले प्रधानमन्त्री केपी शर्मा ओलीलाई दसैँको टीका लगाइदिएका छन्। शनिवार राष्ट्रपति निवास शितल निवासमा प्रधानमन्त्री ओलीले राष्ट्रपति रामचन्द्र पौडेलको हातबाट टिका र जमरा लगाइदिएका हुन् । साइतमा आफ्नो घरमा टिका लगाइ प्रधानमन्त्री ओली राष्ट्रपतिको हातबाट टिका लगाउन शितल निवास पुगेका थिए ।

२६ आश्विन, मेचीनगर । झापाको मेचीनगरस्थित मंगोल नेशनल अर्गनाइजेसनले कालो टीका लगाएर दशैंको बिरोध गरेको छ । दशैं बहिष्कार अभियान अन्तरगत अर्गनाइजेसनले कालो टीका लगाएर बहिस्कार गरेको हो । मेचीनगर नगरपालिका-२ को मंगोल रिसर्च सेन्टरमा भेला भएर उनीहरूले कालो टीका लगाएका हुन् । लगभग २५ जनाको समूह भेला भएर 'कथित दशैं बहिस्कार कार्यक्रम' आयोजना गरिएको थियो । कार्यक्रममा मंगोल नेशनल अर्गनाइजेसनका प्रेसिडेन्ट बुद्धलाल मेचे, कोशी प्रान्त सभा सदस्य बनिरा मेचे, मङ्गोल नेशनल अर्गनाइजेसन मेचीनगर अध्यक्ष किशोर धिमाल लगायतको सहभागिता रहेको थियो ।

२६ आश्विन, मेचीनगर । यस वर्षको दसैँको टीकाको उत्तम साइत असोज २६ गते बिहान ११ बजेर ३६ मिनेटमा रहेको छ । नेपाल पञ्चाङ्ग निर्णायक विकास समितिले सूचना जारी गर्दै बिहान ८ बजेर ३३ मिनेटमा देवी विसर्जन गरिने जनाइको हो । टीका लगाइमाग्ने व्यक्तिले पूर्व फर्किनुपर्ने समितिले जनाएको छ । असोज ३० गते कोजाग्रत पूर्णिमादेखि दसैँ पनि सकिने छ ।