पौष २२, अर्घाखाँची / सन्धिखर्क सु–समाचार चर्चले आफ्नो २५औँ वार्षिकोत्सव (रजत महोत्सव) विभिन्न धार्मिक तथा सांस्कृतिक कार्यक्रम सहित भव्य रुपमा सम्पन्न गरेको छ। कार्यक्रमको अध्यक्षता चर्चका पाष्टर प्रतिज्ञा सारुले गर्नुभएको थियो। कार्यक्रममा नेपाल सु–समाचार केन्द्रका निर्देशक अनुग्रहराज पौडेल विशिष्ट अतिथिका रूपमा उपस्थित रहँदै प्रमुख शुभकामना मन्तव्य प्रदान गर्नुभयो। त्यसैगरि नेपाल सु–समाचार चर्च परिषदका अध्यक्ष पा. दानिएल सिद्वेल, अतिथि पाष्टरहरू पा. खुमप्रसाद श्रेष्ठ, पा. भोला न्यौपाने, पा. डा. वी.पी. फिलिप, पा. लिल नेपाली लगायत देशका विभिन्न जिल्लाबाट आएका पाष्टरहरूको उल्लेखनीय उपस्थितिले समारोहलाई भव्य बनाएको थियो। अतिथि तथा पाहुनाहरूलाई स्वागत ए. मनिष सिंहले गर्नुभयो भने कार्यक्रम सञ्चालन ए. बिष्णु परियारले गर्नुभएको थियो।…
