७ भाद्र,
७ भदाै, मेचीनगर । आजदेखि काँकरभिट्टामा छैठौं राष्ट्रिय एमेच्युर बुद्वीचाल प्रतियोगिता सुरू भएको छ । आज काँकरभिट्टा खानेपानी कार्यालयकाे सभाहलमा नाइट चेस क्लबकाे व्यवस्थापनमा उक्त प्रतियोगिता सुरू भएको हाे ।
प्रतियोगिता यही शुक्रबारदेखि भदाै १० गतेसम्म सञ्चालन हुनेछ । उक्त प्रतियोगिताकाे उद्घाटन मेचीनगर नगरपालिका मेयर गाेपालचन्द्र बुढाथोकीले गरेका थिए । नेपाल राष्ट्रिय बृद्वीचाल महासंघकाे प्राविधिक सहयाेग रहने प्रतियोगिताकाे सबै व्यवस्थापन सहितकाे आयोजना नाइट चेस क्लबले गरेकाे छ ।
उद्घाटन कार्यक्रममा मेयर बुढाथाेकी, उपमेयर मीना पाेखरेल उप्रेती, बुद्वीचाल संघ काेशी प्रदेशका इन्चार्ज राम मादेन, नेपाली कांग्रेस काेशी प्रदेश सदस्य विमल आचार्य, नेकपा एमाले काेशी प्रदेश सदस्य देवकुमार राई लगायतले शुभकामना मन्तव्य व्यक्त गरेका थिए ।
नाइटचेस क्लबका अध्यक्ष विश्वविजय घिमिरेले प्रतियोगिताबाट २ जना खेलाडी दुवैमा हुने अन्तर्राष्ट्रिय प्रतियोगिताका लागि छनाेट हुने बताए ।
उनले प्रतियोगितामा ९० जना खेलाडी सहभागी भएकाे जानकारी दिए । २ हजारदेखि १७ सयसम्म र १७ सयमुनी गरि दुई क्याटेगाेरीमा खेल सञ्चालन हुने छ । प्रतियोगिताका प्रथमदेखि १०औँसम्मका विजेता खेलाडीलाई पुरस्कारकाे व्यवस्था गरिएकाे छ ।
प्रथम हुने खेलाडीलाई नगद ५० हजार राशिसहित प्रशंसा पत्र प्रदान गरिने क्लबले जनाएको छ । प्रतियोगिता सञ्चालन गर्न राष्ट्रिय स्तरका आर्विटरहरूकाे उपस्थिति छ ।
अनुमानित १८ लाख २२ हजार खर्च लाग्ने प्रतियोगितामा स्थानीय सरकार, विभिन्न संघ-संस्था लगायतसँग सहयाेग गरेका छन् । नाइट चेस क्लबका अध्यक्ष विश्वविजय घिमिरेकाे अध्यक्षता, स्वागत प्रथम उपाध्यक्ष राजु पाैडेलले र सञ्चालन महासचिव राजेश राउतले गरेका थिए ।
प्रतियोगितामा अन्तर्राष्ट्रिय खेलमा सहभागी भइसकेका नवीन टण्डुकार, पुरूषाेतम चाैलागाई, सिन्दिरा जाेशी र नेशनल गेम एशिया छनाैट भएका कृष्ण थापा समेत सहभागी रहेका छन् । हालै काठमाडौंमा भएको ओलेम्पेडमा छनाेट भएका झापाका राजन सुवेदी पनि प्रतियोगिता हेर्न आएका छन् ।
