२३ कार्तिक २०८२, आईतवार,
झापा । नेपाल ख्रीष्टियन रिभाइवल चर्च काउन्सिलको ३२औं वार्षिक सम्मेलन तथा अधिवेशन यस वर्ष झापा जिल्लाको अर्जुनधारा–२, गाँजाबारीस्थित ख्रीष्टियन रिभाइवल चर्चको प्रांगणमा भव्य, सभ्य र आशिषमय वातावरणमा सम्पन्न भएको छ।
सम्मेलनको पहिलो दिनको कार्यक्रम मिति २०८२ साल कार्तिक २० गते बिहीबार आरम्भ भएको थियो भने समापन समारोह मिति २०८२ साल कार्तिक २२ गतेका दिन सम्पन्न भयो। यस वर्षको सम्मेलनको मुख्य शिर्षक बाइबलको वचन “मत्ती २४:४२” (“यसकारण जागा रहो, किनकि तिमीहरूका प्रभु कुन दिन आउनेछन् भनी तिमीहरू जान्दैन…”) रहेको थियो।
कार्यक्रममा देशका विभिन्न स्थानबाट आएका सेवक, अगुवा र विश्वासीहरूको उल्लेखनीय उपस्थिति रहेको थियो। सम्मेलनमा आत्मिक सम्बोधन, आराधना, प्रार्थना र सहभोजनका कार्यक्रमहरू सम्पन्न भएका थिए।
मुख्य बक्ताहरू
सम्मेलनमा आत्मिक सन्देशका रूपमा निम्न बक्ताहरूले प्रभुको वचन बाँडेका थिएः
- रेभ. राम दादा
- रेभ. ए. बी. छेत्री
- रेभ. एनोस गजमेर
- पास्टर युवराज क्षेत्री
उनीहरूले वचनमार्फत आत्मिक जीवनमा जागरूकता, एकता र सेवामा समर्पणको सन्देश दिनुभएको थियो।
नयाँ नेतृत्व चयन
उक्त अधिवेशनबाट आगामी तीन वर्षका लागि नेपाल ख्रीष्टियन रिभाइवल चर्च काउन्सिलको नयाँ नेतृत्व यस प्रकार चयन गरिएको छः
- अध्यक्ष: रेव. एनोस गजमेर
- उपाध्यक्ष: पास्टर युवराज क्षेत्री
- सचिव: पास्टर प्रेम उप्परखोटी
- सह–सचिव : पास्टर घर्ती मगर
- कोषाध्यक्ष: पास्टर सतल सिंह राजबंशी
यस सम्मेलनले चर्चको आत्मिक, संगठनात्मक र सेवामुखी कार्यलाई अझ सुदृढ पार्दै राष्ट्र र समाजमा प्रभुको प्रेम प्रकट गर्ने लक्ष्य अघि सारेको छ।
सारा आदर, भक्ति, महिमा र प्रशंसा जीवित प्रभु येशू ख्रीष्टलाई नै होस्।
