काठमाडौं, साउन १८ ।
महिला कोपा अमेरिका फुटबल प्रतियोगितामा ब्राजिलले कोलम्बियालाई सडनडेथ पेनाल्टी सुटआउटमा ५–४ ले पराजित गर्दै लगातार पाँचौं पटक उपाधि जितेको छ।
आइतबार राति इक्वेडरको रोड्रिगो पाज डेल्गाडो रंगशालामा सम्पन्न रोमाञ्चक फाइनल खेलको निर्धारित ९० मिनेट र अतिरिक्त समयसम्म ४–४ को बराबरी भएपछि निर्णय पेनाल्टी सुटआउटबाट गरिएको थियो।
यससँगै ब्राजिलले प्रतियोगिताको इतिहासमा कुल नौ पटक उपाधि जित्न सफल भएको छ।
कोलम्बियाका लागि भने यो चौथो पटक फाइनलमा ब्राजिलसँगै पराजित हुने लज्जास्पद इतिहास दोहोरिएको छ। यसअघि २०१०, २०१४ र २०२२ को संस्करणमा पनि कोलम्बिया ब्राजिलसँगै फाइनलमा हार्दै उपविजेतामा सीमित रहनुपरेको थियो।
तेस्रो स्थानमा अर्जेन्टिना
तेस्रो स्थानका लागि शनिबार बिहान भएको प्रतिस्पर्धामा अर्जेन्टिनाले उरुग्वेलाई पेनाल्टी सुटआउटमा ५–४ ले पराजित गर्दै तेस्रो स्थान हासिल गर्यो। अर्जेन्टिनाको यो लगातार तेस्रो पटक तेस्रो स्थानमा रहँदै प्रतियोगिता सम्पन्न गर्ने हो ।यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
