असार ६, झापा । सिराहा चर्चभित्र प्रवेशगरी सेवा आराधनाकै क्रममा हिन्दू सम्राट सेनाद्धारा आक्रमण गरेको छ । सिराहा सदरमुकाममा रहेका सिराहा चर्चमा असार १ गतेका दिन सेवकाई गरिरहेको अवस्थामा चालिस पैतालिस जनाको समूहमा आएका हिन्दू सम्राट सेनाले पास्टर महेश्वर प्रसाद मुखियामाथि आक्रमण गरेका छन् ।
पास्टर मुखियाको अनुसार,–“चर्चमा संगती चलिरहेको अवस्थामा ११ बेजेर बीस मिनेट जाँदा अचानक ४० / ४५ जनाको समूहआएर बादबिवाद गर्न सुरुभयो । उनले भने, हामीलाई घेराबन्दिगरी अभद्र ब्यवहार गर्दै अरु बिश्वासीहरुलाई गालीगलौज गरे, मलाई पिटे र लात समेत हाने, मेरो बृद्धा आमाको दाँत भाँचि दिए र बहिनीहरुको मुख निचोडी दिए ।
चर्चका भौतिक सामाग्रीहरु तोडफोड गरे, पुलपीट लात्तीले हाने, टेबलहरु पछारे, गितार फुटाई दिए र अबदेखि यहाँ तिमीहरु संगती गर्न नआउनु भन्दै धम्कि दिए ।
हिन्दू सम्राट सेनाहरु सिराहा, सर्लाही, रौतहटबाट आएको मुखियाको भनाइ थियो । मलाई कुटुनेको दाईले बर्षदिन अगाडिनै अब तीनबर्षसम्म मोजमस्ती गर, आफन्तलाई भेटघाट गर म आएपछि तेरो घाँटी रेटेर मार्नेछु तेरो येशूले कसरी बचाउने रहेछ म हेर्छु भन्दै नाम बिनाको नम्बरबाट फोन आएको थियो उनले भने ।
प्रहरीले दुबैतर्फलाई प्रहरी कार्यालयमा लगेर प्रहरीले उनीहरुलाई चर्चमा गएर आक्रमण गर्नुको कारण के हो ? भनेर सोध्दा मेरो भतिजोलाई ललाइफकाई ख्रीष्टियन बनाएको कारण बताए । तर आफूहरुले उनको भतिजोलाई ख्रीष्टियन नबनाएको यो
झुठो आरोप मात्र लगाएको पास्टर मुखियाको भनाई थियो ।
प्रहरी प्रशासनबाट खासै पीडितको पक्षमा नबोलेको र दुबैतर्फ मिल्नुपर्छ भनी साधारण तरिकाले मिलियो तर पनि संगति नगर्न उनीहरुको जिद्धि नै थियो । चर्चमा भेला भएर संगति गरेमा नराम्रो हुने चेतावती दिए ।
तसर्थ परमप्रभुको आराधना गर्दा ज्यानको धम्कि र चेतावनी आएकाले आफ्नो सुरक्षाको अपिल समेत सरकारसंग गरेका छन् ।
https://www.youtube.com/watch?v=JA1D7krWwGI
